ریوا، 14جنوری(ایس اونیوز/آئی این ایس انڈیا)ایک طرف بی جے پی دیش بھکتی کاپاٹھ ہرمعاملہ پرپڑھاتی ہے ۔سرجیکل اسٹرائیک کے نام پربی جے پی نے خوب سیاسی روٹی سینکی اورسوال اٹھانے والوں کوفوج کے تئیں غیرہمددراوردیش دروہی تک کہاگیالیکن اب اسی سرکارکی قلعی کھلتی نظرآرہی ہے اوریکے بعددیگرے واقعات کے سامنے آنے پربی جے پی بیک فٹ پرنظرآرہی ہے۔ فوج کے جوان کا ایک افسر کا کتا ٹہلاتے ویڈیو سامنے آیا ہے،جس سے دکھی بیوی نے شوہر کو لے کر گہری تشویش ظاہر کی ہے۔یہ فوج کا جوان ریوا کا باشندہ ہے اور اس وقت فتح گڑھ میں تعینات ہے۔اس واقعہ سے فوج کے اندرونی نظام پر سوال کھڑے ہوئے ہیں۔دراصل فوج کے جوان یجھ پرتاپ سنگھ کی ڈیوٹی ایک افسر کے بنگلے پر لگائی گئی تھی،ویڈیو میں وہ صبح کتا ٹہلا رہا ہے اسی دوران دیگر فوجی بھی آ جاتے ہیں اور اپنی زندگی اور ڈیوٹی کے بارے میں بات کرتے ہیں۔درمیان میں ٹوکتے ہوئے یشتھ پرتاپ کہتا ہے کہ رہنے دو کمانڈر کا کتا ہے کچھ ہوا تو چارج شیٹ مل جائے گی،ایسے ہی ایک واقعہ میں چارج شیٹیڈ ہوئے ایک ساتھی کی مثال بھی دیتے ہیں۔یہ ویڈیو سامنے آتے ہی فوجی یشتھ پرتاپ کی مشکلیں بڑھ گئیں ہیں،بیوی سے بمشکل بات ہو رہی جس سے بیوی رچا سنگھ خاصی پریشان ہے۔ فوج کے شکار نوجوان کی بیوی رچا سنگھ کے مطابق اس نے 21جون کو صدر، وزیر اعظم، وزیر دفاع سمیت دیگر حکام کو خط لکھ کر فوج کے اندرونی نظام کی مکمل تفصیلات دی تھی،جس میں یہ بھی بتایا گیا تھا کہ فوج کے جوان کے طور پر انہیں حکام کے جوتے، کپڑے سے لے کر ٹوائی لیٹ تک صاف کرنے پڑتے ہیں،کتے کو ٹہلانا اور میم صاحب کی چار باتیں سننا روزمرہ کی زندگی کا حصہ ہوتا ہے۔اس خط پر اب تک کوئی کارروائی نہیں ہوئی، الٹا اسے تبادلے کا سامنا کرنا پڑا،جوان کی بیوی انتہائی پریشان اس پورے واقعے سے جوان کی بیوی انتہائی پریشان ہے،اس نے حکومت سے فریاد کی ہے کہ مداخلت کر کے اس کے شوہر کی سنے اور کارروائی کرے،اس نے یہ بھی بتایا کہ شوہر کا موبائل فون بھی ضبط کر لیا گیا ہے،جس سے بات نہیں ہو پا رہی ہے،ہفتے کی صبح کسی دوسرے ساتھی کے موبائل سے بات کی تھی تو رو رہے تھے اور کھانا پینا چھوڑ دینے کی بات کہہ رہے تھے۔اس کے بعد سے وہ شوہر کو لے کر بھاری فکر میں ہیں۔ریوا میں رہتی ہے بیوی شکار فوج کا جوان ریوا ضلع کے منگوا تھانہ تحت رگھراج گڑھ کوٹھی کا رہائشی ہے اور 14سال سے فوج میں ہے،اس کی بیوی فی الحال ریوا کے بوداباگ سول لائن علاقے میں کرائے کے مکان پر رہتی ہے،وہ شوہر سے رابطہ کرنے کی کوشش میں ہے لیکن کامیاب نہیں ہوپائی۔